2018 atan MZP Pisa Pui hawng

Dated Aizawl, the 16th January, 2017: Vawiin Ni 16th January 2018 chhun dar 12:00 khan MZP General Headquarters chuan kum 2018 atan MZP Pisa pui chu zirlaite leh Mizo mipuite tan dawr theih turin hawn a ni. He hun hi Vice president Pu B. Vanlaltana’n kaihruaiin, Tv. Lalnunmawia Pautu General secretary chuan pawl hmalakna leh hmachhawp hrang hrang report pe in, Tv. L. Ramdinliana Renthlei President MZP chuan thu asawi. He hun hi hian Mizo Student Union shillong(MSUS) Office bearer ten telpuiin, MSU Shillong President Malsawmtluanga pawn thu asawi bawk.

He huna thusawitu L. Ramdinliana Renthlei President chuan, “Kan hma lawkah hian class-X leh Class- XII ten final exam an nei dawn a, zirlai exam nei tur zawng zawngte duhsakna ka hlan a. Zirlai exam turte tana bengchheng siam lo tur leh zirlai exam tibuai zawnga khawsa lo turin mipuite ka ngen a ni.”a ti a.

L. Ramdinliana Renthlei chuan, “New Khojoysury khua Lunglei District-ah Bangladesh atangin foreigner an lo lut a, raton card te, voter ID te a dil avangin ringhlelin MZP Sub-Headquarters Tlabung chuan FIR Tlabung Police Station ah an submit a Police pawhin bawhzuiin Foreigner ngei a ni tih hmuhchhuah a ni. A hming tak chu Surokarko Bangladesh Baksury khua a awm a ni a, India ram a lo luh hian Lokhi Ranjon tiin a hming a thlak a ni. Police hian foreigner a ni ngei tih an finfiah tawh a, tunah hian Chief Judicial Magistrate, District Court Lunglei ah Criminal case an thehlut mek a ni. Vawiina ka zawhna chu engvangin Lokhi Ranjon Bangladesh atanga foreigner lo lut tih chiang tak leh Mizoram Police pawhin foreigner a ni tih an finfiah thlap tawh hi man a nih mai loh? Mizoram police hian foreigner Lokhi Ranjon hi a rang thei ang bera man a, an ram lama thawn haw turin MZP chuan kan ngen a. Rang taka man a nih loh chuan man a nih theih nan MZP in hma kan la dawn a ni.”a ti bawk.

He huna thusawi tu dang Malsawmtluanga Mizo Student Union Shillong President chuan “Kum 2018 chhung atana MZP General Headquarters PISA PUI hawnna a MSU antel ve thei chu lawmawm kan tiin, MZP te chu Mizo Zirlaite leh Zofate tana kan ram chhantu leh kan hnam innghahna an ni tih sawiin, MZP ten Zofate insuihkhawmna tur leh Chakma foreigners te an veina kawnga hma anlakna chu MSU Shillong chuan athlawp tlat a. MZP ten an hmalakna kawngah MSU Shillong ten tih theih kan nei anih chuan kawng engkimah kan inpeih reng e” a ti.

(LALNUNMAWIA PAUTU)
General Secretarytary

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

MZP Office 2017 atan khar

Danlova awm hmandang dapchhuak