Integration tour zilaite tan buatsaih

Dated Aizawl, the 19th. February, 2018: MZP leh 46th Assam Rifles ten Integration tour zilaite tan buatsaih chu tukin zing dar 9:30 khan Pu Lalswta Fiance Minister-in Assam Rifles hmun Lammual-ah avai liam. He hun hi 46th Assam Rifle Commandant Colonel Pratyush Kumar Singh Gaur-in kai hruaiin, Pu Lalsawta, Finance Minister, MZP President Tv. L. Ramdinliana Renthlei leh 23rd Sector Assam Rifles DIG Brigadier MS Mokha ten thu ansawi a ni. Zirlaite hi Aizawl khawpui chhung college leh District dang atanga thlanbik zirlai 30 te hian Sipai hmunpui leh hmun hrang hrang Silchar, Shillong, Cherapunji leh Guwahati te antlawh ang, Sipai hmun anthlen apiang hian Sipai hotute nen inkawmhona leh intih hlimna nei zelin ni 25 February,2018-ah Aizawl an lo let leh ang.

He huna thusawitu L.Ramdinlian Renthlei chuan“Assam Rifles nen tangkawpa integration tour zirlaite tan buatsaih a ni hi a lawmawm ka ti hle a. A kal tur ten hlawk taka hun hmang turin duhsakna ka hlam a ni. MZP chuan Mizoram Hmasawnna tur a hnathawk a lo awm hnamdang pawh Mizoram chhungah Zalen taka hna an thawh hi kan duh a. Harsatna nei lo a, Mizoram hmasawn nan tha taka hna an thawh hi kan duh a ni.” a ti a.

L. Ramdinliana Renthlei chuan,”Mizoram chhunga zirna in chi hrang hrang a awm a. Heng zirna in hrang hrangah hian India ram State hrang hrang a zirlai ten lehkha lo zir ve se MZP chuan kan duh a. Tin, tunah hian Mizoram chhunga State dang atrangin School/College leh University kal mek zirlai thahnem tak an awm a ni. Heng zirlaiten an zir thei hi MZP duh dan a ni a. Zalen tak leh nuam taka Mizoram a hnamdang/State dang zirlai ten Mizoram chhunga lehkha an zir theih nan MZP chuan hma a la zel dawn a ni.”a ti bawk.

23rd Sector Assam Rifles DIG Brigadier MS Mokha chuan “Assam Rifles ten kan thupui Friends Of The Hill People a kan hman angin, Dirtrict hrang hrang zirlai naupangte tan tour hi kan lo buatsaih tawh thin a. Kumin India Republic Day Delhi-ah pawh khan MZP Hqrs. Champhai te nen tangkawpin zirlai engemawtzat te kan tir” a ni a ti. Tin, DIG chuan “tunhi abul tanna nise hei aia tha leh MZP te nen thawhhona tha Assam Rifles chuan kan neih theih zel ka beisei a ni.” a ti.

(LALNUNMAWIA PAUTU)
General Secretary

NO COMMENTS

Leave a Reply

This site uses Akismet to reduce spam. Learn how your comment data is processed.