Mizo Journalist te leh MZP hruaitu thar te inkawm

Dated Aizawl, the 9th November, 2017: Vawiin ni 9th November, 2017 (Nilaini) chawhnu Dar 1:00 khan MZP hruaitute leh MJA memberte chuan MZP Conference Hall, MZP Pisapui-ah inkawmkhawmna leh Thingpui in hona hun an hmang a, he hun hi Tv. Michael lalramsanga, Tresurer MZP Chuan a kai hruaiin, Tv. Lalnunmawia Pautu, General Secretary MZP leh Pu C. Lalhmachhuana, General secretary MJA ten Pawl aiawhin in hmelhriattirna hun an nei a. Pawl aiawh in Vanlalrema Vantawl, President MJA leh Tv. L. Ramdinliana Renthlei, President MZP ten thu an sawi a ni.

He huna thusawitu Pu Vanlarema Vantawl, President MJA chuan, “MZP ten heti ang inkawmna hun tha in siam chu lawm ka tiin chunzawm zel tlak a ni. MZP chu miten Political Platform ang ah an ngai chu thalo ka tiin pawi ka ti hle a. Mite sawi dan leh ngaihdanah MZP chu buai lova, zirlaite leh ram leh hnam tan in thil tih ropui tak tak te chu chhunzawm a, Zofate innghahna in nihna hre reng a huai tak leh rim tak a thawk zel turin ka chah duh che u a ni.” a ti a.

Pu Vanlalrema Vantawl chuan,”MZP hruaitute chu zirlai hruaitu in nih angin zirna chungchang ngai pawimawh a, dan anga hma in lak zel hi ka duh a, lehkha thiam in nihna hria a, fing tak leh fimkhur taka hma la turin ka ngen che u a, phai lama Mizo zirlai awm te pawh Zofate ti hming hliau leh hnamdang te hmuh sit a awm lo turin leh zonun zemawi tak lanchhuah tir tura fuih turin MZP hruaitu leh Member kal khawm te ka sawm in ka ngen nghal bawk a ni.” a ti bawk

He huna thusawitu dang Tv. L. Ramdinliana Renthlei MZP President chuan,”Ram leh hnam leh zirlaite tana kan thawhpui chanchinbu mite vawiin niah kan sawmna ngai pawimawh a inkawmkhawmna hun tha min neihpui hi MZP chu kan lawm hle a, kan kal zelna tura min finchhuah turin MJA member zawng zawng te ka sawm che u a ni. MZP chu zirlai pawl kan nih angin zirna chungchang kan ngai pawimawh dawn a, Mizoram zirna in hma a sawn theih nan theihtawp kan chhuah dawn a ni. Zirtirtu indaih lohna chhan ber chu zirtirtu tlem vang ni lo in, zirtirtu awmsa semrual loh vang niin kan hria a, zirtirtu semrual a nih theih nan hma kan la dawn a ni.”a ti a.

L. Ramdinliana Renthlei chuan,”Chakma Bangladesh atanga dan lova lo lut chungchangah hian MZP in hma kan lo la tawh thin a, dan lova foreigner lo lut chungchangah hian hma kan la chhunzawm zel dawn a ni. Mizoram chhungah hian dan lo a khawdin tamtak sorkarin a pawm loh a awm a, dan lova khawdin tam zawk hi Chakma khua an ni a, heng khaw din ah hian Chakma foreigner te inbengbelin khua leh tui nih an tum thin a ni. Dan lova Chakma khawdin tamtak hi nuaibo a nih theih nan MZP chuan hmalak kan tum a. Kan hmalakna turah hian MJA member ten min thlawp tlata min finchhuah turin kan sawm che u a ni.”a ti a.

L. Ramdinliana Renthlei chuan Tuikuk chungchang sawiin, Chakma chungchang ringawt kan sawi a, Tuikuk chungchang hi kan lo theihnghilh ang tih ka hlau a, Tuikuk te hi anmahni duhthu ngei a Mizoram chhuahsan tute an ni a, Mizorama lo cheng tawh thin te hi chu Mizoramah lo kir se kan ti em em thin a. Tuikuk Mizorama lo kir duh lo te chu Mizoram electoral roll atanga paih hi MZP chuan kan duhdan a la ni reng a, Mizoram chhung eng election-ah pawh MLA a ni emaw MP a ni emaw Mizoram state pawn atanga vote an thlak hi kan rem ti ngai dawn lo a ni, a ti bawk.

Vawiin MZP hruaitute leh MJA memberte inkawmkhawmna ah hian in pawh tlang takin vei zawngte sawi hona hun hman a ni a, member thahnem takin thu an sawi a ni.

(ROTHANLIANA)
Secretary I/c Publicity

Leave a Reply

Your email address will not be published. Required fields are marked *

MZP in Secretary ruat thar

MZU in VC thar neih MZP lawm