MZP a dinna ngaiha a ding reng

Dated Aizawl, the 16th March, 2018: Vawiin 16th March, 2018 (zirtawpni) chhun Dar 12:00 hian MZP executive meeting neih a ni a. Meeting hi Tv. L. Ramdinliana Renthlei President chuan a kaihruai a, Pathian min kaihhruaina a lawmthu sawi tawngtai rualna neih niin, Bairabi Zophai hmun a Zofate chawlhbuk sak denchhena thil thleng report hrang hrang leh hliam leh bungraw chhia te report a ni.

Meeting chuan Zofate chawlbuk sak chungchang thil thlengah Ni 14th Zan Dar 12:00 a MZP emergency meeting-in a lo rel tawh Total Bandh huaihawt chu tun dinhmun ah chuan thulh phawt nise a ti a. Sorkar laipui in State Chief Secretary te inbe tura a tih ang in an inbiak na ngaihchan phawt nise tha a ti a. Chawlhbuk sak chung changa hmalak zel dan tur chu Excutive meeting chuan hetiang hian a rel.

1. MZP chu a dinna ngaiah a la ding renga Zofate Chawlhbuk hi sak ngei a nih theih nan hma a lak chhunzawm zel dawn a ni.
2. Mizoram Sorkar in Zophaia Police a dah te chu Zophai ah an awm reng tur a ni a, Sorkar in a Police te hi a la kir tur a ni lo.
3. Hemi chungchang ah hian Prime Minister, Union Home Minister leh President of India te hnen ah Memorandum theh luh nise.

MZP chuan zirlai pawi sawi lo leh Mipui te ral phiar a min phiara vuak mai duh tawk lo a, Silaia min kap tu Assam Police te a dem tak meuh meuh a, Firing Order Petu Hilakandi DC pawh natak a hrem a nih theih nan Sorkar in hma la se a ti bawk.

MZP chuan he hnam issue a lak na ah thahnem ngaia min thlawp tlat tu Zoram mipui te chung ah lawmthu a sawi a, Bairabi khawtlang leh Mipui te inpek na leh min thlawp na ah MZP chuan lawmthu a sawi tak meuh meuh a ni. Ram leh Hnam humhalh nan theihtawp chhuah turin Mipui te a sawm nawn leh a ni.

Tin, Meeting chuan tunlai buaina avangin hnamdang hnathawk leh Mizoram chhunga dan lo a sumdawng thahnem takin anmahni ram lam an pan a, hemi vang hian Mizoram dawrkai te kan thil zawrh te a man(rate) lo tisang lo turin kan ngen a. Hnamdang dan lo a sumdawng leh Mizo hming hawha sumdawng zawng zawng te fimkhur thu hla ah leh anmahni sahim zawk nan dawr lo hawng rih lo turin leh Mizoram chhuahsan turin MZP chuan a ngen nghal bawk a ni.

Meeting chuan Khawvel hmun hrang hranga Zofate inpumkhatna atana khawmpui alo buatsaih thin Zofest chu 2018 chhung hian hman leh ngei se tha a ti a, a hmun a tan hian Reiek nise tha a ti bawk. He hun ah hian Zofa chi peng hrang hrang a tam thei ang ber tel turin a sawm nghal bawk a ni.

(ROTHANLIANA)
Secretary i/c Publicity

Leave a Reply

Your email address will not be published. Required fields are marked *

Ram Humhalh Kawngzawh neih a ni