MZP in Pu A Zakia lawmpui

Dated Aizawl, the 29th January, 2018: MZP General Headquarters chuan India Civil mite chawimawina sang Padma Shree dawng tura A. Zakia(87) s/o A Nyusa(L), Siaha District, Mizoram thlan a ni chu lawmawm kan ti hle a, Zofate insuihkhawmna nasa taka kan lo kalpui tawh thinna leh kalpui mek zelna avanga kan Zofa pui ngeiin Mizoram atanga a dawng awmchhun a ni thei hi lawmawm kan ti tak zet a ni. A.Zakia hian literature, Education leh Social work lama a thawhthat avangin Padma Shree hi a dawng dawn a, khawtlang leh zirna lama nasa taka hma a lo lak tawhna te chu MZP chuan chhuanawm kan tiin, kan lawmpui tak zet a, Mara hnam tihmingthatu leh Zofate unau kan nihna tilang zualtu ni tura Mizoram atanga Padma Shree Award dawng thei tur a ni chu kan lawmpui tak zet a ni.

Tin, MZP chuan kan thu thlen leh hmalakna kal zel avanga dan lo a Mizorama awm, Chakma foreigner Loki Ranjan Khojoysuri Lunglei District a mi thuneituten an man ta chu lawmawm kan ti hle a. Chakma foreigner Lokhi Ranjan an man hnu a an kalpui zui zel dan tur leh foreigner dangte enzui hna pawh kan thawk reng dawn bawk a ni.

(LALNUNMAWIA PAUTU)
General Secretary

NO COMMENTS

Leave a Reply

This site uses Akismet to reduce spam. Learn how your comment data is processed.