MZP in Zoram Ni hmang

Dated Aizawl, the 5th March, 2018: Vawiin ni 5th March 2018(Thawhtan) chhun Dar 12:00 khan MZP General Headquarters bultumin Lal Thanhawla Auditorium-ah India Sorkarin Sipai chakna leh Jet Fighter hmanga Aizawl khawpui leh Mizoram hmun hrang hrang Bomb hmanga a beih champhaphak hriatrengna ZORAM NI kum 2008 atanga hman tan tawh chu a tum 10-na atan hun hman a ni. He hun hi Pu B. Vanlaltana Vice president MZP chuan a kaihhruai a. ZORAM NI pual hian thupui pahnih thlan bik “March 5,1966 chanchin” leh “Aizawl bomb leh tunlai Zoram khawvel” tih hmangin Pu Lalthlamuana Ralte, Asst. Prof. Pachhunga University College leh Lalhruaitluanga Chawngte, Adviser MZP ten paper present-in party hrang hrang aiawh, NGO hrang hrang leh Aizawl khawpui chhung college hrang hrang Political Science department zirlaite nen paper present tute thupui pahnih chu zirhona leh sawiho na neih a ni. He huna hian L. Ramdinliana Renthlei, President MZP in thu a sawi bawk a ni.

He huna thusawitu MZP President L. Ramdinliana Renthlei chuan, “Zoram Ni hi Political Party leh eng pawl mah tih thinurna atan leh tute tan maha rilru nat thar nana hun hmang kan ni lo a. He Ni kan hman chhan chu, Zofate tan inpumkhat leh zual nan te, kan tawrhna avangin inunauna tha leh Zofate ah inpumkhatna tha thleng se kan tih avanga he hun hi hmang kan ni a. Thangtharte ah ram leh hnam hmangaihna dik tak in tuh se kan duh a ni.”a ti a.

L. Ramdinliana Renthlei chuan, “Zalenna sualtute khan mahnia ro inrelna neih duhna thinlung an put vangin MZP chuan kan chhuang a, zalenna an sual tak tak a ni. Mizoramin zalenna a sualna chhan hi kawhmawh bawl vang emaw sual vang hrim hrim a sual kan ni lova , zalenna tluantlin min awmbettute atanga neih kan duhna avanga he thil hi lo thleng a ni. Rambuai laia kan tawrhnate kha mi thenkhatin sawinep tum mah se, sawinep theih a ni lo a, a nep thei chuang bawk lo a ni. India hian kan ram leh hnam nuna thil thleng rapthlaktak kha kan la theihnghilh lo a ni tih hria se kan duh a ni. Ram leh hnam tana nunna hlu tak hlan tuten an nunna hlu tak an hlanna te, Silaimu kara mi tlawmngai tak tak te thawhrimnna te, kan nu leh pa ten Pathian an auhna te hre reng chungin Zoram Ni hi inpumkhatna ni atan hmang ila ka duh a ni.”a ti bawk

He hunah hian Zoram Ni denchhana buatsaih College zirlaite tana thu inziahsiak “Rambuai leh Mizoram” tih thupui hmanga in elna lawmman sem a ni a.

Lawmman dawng tute chu
1. Lalchhuanliana, Pachhunga University college
2. K.C. Chawngthankhuma, Govt. Hrangbana college
3. Andrew Lalhungchhunga, Govt. Kolasib college te an ni. Lawmman hian citation leh tangkafai a keng tel bawk. Zorakm Ni programme-ah hian Mizoram tana Zalenna sual a nunna hlan tute hriat rengna leh sunna hun neih a ni bawk a ni

(LALNUNMAWIA PAUTU)
General Secretary

Leave a Reply

Your email address will not be published. Required fields are marked *

Mizoram-a chhunga Assam Police duty post awm dem

Zofate Chawlhbuk chungchang Press Statement