MZU in VC thar neih MZP lawm

Dated Aizawl, the 15th November, 2017: MZP chuan Mizoram University(MZU) in hun rei tak chhung Vice Chancellor neilo a kan awm hnuah Vice Chancellor thar kan nei ta hi lawmawm kan ti hle a. Tun hnai a MZU Student Council hruaitute huaihawta zirlaiten Vice Chancelor ngiata an nawrna kalzelah a hlawhtlinna kan hmu ta chu lawmawm a tiin, Mizoram University Vice Chancellor thar Prof. KRS Sambasiva Rao chu MZP chuan thinlung takin kan lo lawm a. Mizoram University hnuaia zirlai zawng zawngte tan theihtawp chhuah a rahbi thar kaipui ngei turin leh tun aia nasa zawka Mizoram University in hma a lo sawn ngei MZP a beisei tlat a ni. MZP chuan Miozram University(MZU) in Vice Chancellor nghet kan neih theih nan nasa takin hma a lo la tawh thin a, MZU in Vice Chancellor kan neih theihna tura tha leh zung seng tu zawng zawngte chungah MZP chuan lawmthu a sawi tak meuh meuh a ni.

Tin, MZP chuan Mizoram sorkar-in Mizoram Public Service Commission(MPSC) member kan neih mumal loh zia hria a. Chairman leh member thar pahnih a ruat fel ta chu MZP chuan lawmawm a ti hle a. Sorkar-in a rin tawk anga Chairman leh member te pawn MPSC hnuaia hnalak reng rengah dik tak leh felfai taka la turin leh Mizo thalai hna zawng mek te tan innghahna leh rin ngam a nih a, Mizoram Public Service Commission(MPSC) hnalak reng rengah a thiam leh tling chiah la zel turin MZP chuan Mizoram Public Service Commission(MPSC) chu a beiseiin, a chah nghal bawk a ni.

(LALNUNMAWIA PAUTU)
General Secretary

NO COMMENTS

Leave a Reply

This site uses Akismet to reduce spam. Learn how your comment data is processed.