Ram Humhalh Kawngzawh neih a ni

Dated Aizawl, the 12nd March, 2018: March ni 12, 2018 khan MZP huaihawtin Mizoram hmun hrang hrangah Ram Humhalh Kawngzawh neih a ni a, thalaite bakah nu leh pate pawh ram humhalh duh vanga he kawngzawha an tel ve avangin MZP chuan lawmthu a sawi a ni.

Aizawlah chuan MZP General Headquarters huaihawtin kawng zawh a ni a, chawhma dar 10.30-ah tanin, Sikulpuikawn leh Chanmari Kawn atangin an zawh tan a, Vanapa Hall kawtah an intawk khawm a ni.

Sikulpuikawnah hian MUP president RK Thanga’n hunserh a hmang a, MZP adviser VL Krosshnehzova’n thu a sawi. Chanmari Kawnah chuan MHIP assistant secretary Lalengkimi’n hunserh a hmang a, MZP adviser C Lalrokhuma’n thu a sawi.

Vanapa Hall kawtah hun hmanho a ni a, MZP treasurer Michael Lalramsanga’n a kaihruai a, MKHC treasurer Lt. Col Lalbulliana’n hunserh a hmang. MZP general secretary Lalnunmawia Pautu-in Zofate Chawlhbuk sak chungchang report a pe a, MZP vice president B Vanlaltana, Central YMA president Vanlalruata, MSU president RB Lalmalsawma, Aizawl City College Joint Students’ Union vice president Zorammawia te’n thu an sawi a, MZP adviser Lalnunsiama’n \awng\aiin kalkhawmte a \in a ni.

MZP vice president B Vanlaltana chuan Bairabi Zophaiah Zofate Chawlhbuk sak ngei an tum thu a sawi a, “Nilaini hian Zophaiah khuan Zofate Chawlhbuk kan sa ngei dawn tih hi ka puang duh a ni,” tiin a puang a ni.

“Vai vuak kha na kan ti lo. Kan ram venghim theitu sorkar kan nei lo hi a na kan ti,” B Vanlaltana chuan a ti a, “Kan zirlaite thisen chhuah, silai puah nghak chhuak kher sorkar kan nei hi na kan ti,” a ti bawk.

“Heng kan harsatna hian inpumkhatna Zofateah thlen sela,” a ti a, sorkarin ramri vei se a duh thu sawiin, “Chakma awmnaah pawh kan Zofa unaute an chep khawp mai,” tiin Mizoram sorkarin ramri nek khuate ngaihsak se a duh thu a sawi.

He hunah hian Assam Police-te kuttuartu chanchinbumite: Joseph Lalnuntluanga, Zohmingmawia, Malsawmdawngzela, Emmy Lawbei leh Catherine C Sangi te hming lamriin, hliam an tuar avanga pawi an tih thu leh an huaisenna fakawm an tih thu MZP hruaitute’n an sawi a, Assam Police kuttuartu mi 49-te huaisenna leh ram tana an inpekna chhuanawm an tih thu an sawi bawk.
Zoramchhani’n kalkhawmte zaiin a awi a, ‘Ro min relsak ang che’ tih hla chu mipuiin tih tak zetin an lo zawm ve a ni. Kawngzawha telte hian a theih ang angin hnam thuam an inbel a, Zofate Chawlhbuk sak tum vanga Assam Police-te kuttuartute tuarpuina lantir nan mi engemaw zatin pawndum an bat bawk.

Kalkhawmte chuan hetiang hian resolution an pass:
1. Assam state-in min nek laia kan sorkar a muthlu hi pawi kan ti a, kan ram chhungah Cr.PC 144 an rawn puan hnuah pawh kan sorkar a muthlu hi kan dem hle a, Assam Police te’n Mizo thalaite min beih lai pawha ngawi reng thei Mizoram sorkar hi kan dem hle.
2. Mizoram sorkar hian ram humhalh rawh se.
3. Ram leh hnam tan Mizo thalaite’n theihtawp kan chhuah zel ang.
4. Zofate Chawlhbuk hi a ding ngei tur a ni.

March ni 10-a Assam Police-in an beih avanga kuttuar, MZP president L Ramdinliana Renthlei chu Bairabi-ah a la cham a, Bairabi-ah hian MZP Sub Headquarters Bairabi huaihawta Ram Humhalh Kawngzawhah MZP president L Ramdinliana Renthlei chuan thu sawiin, Zofate \anrual a \ul thu leh ram humhalh tura theihtawp chhuah a \ul thu a sawi a, Zofate Chawlhbuk chungchang hi political party te’n party bil hamthat nana hman tum lo se a duh thu a sawi. Assam Police te’n Chawlhbuk sak tumtu Mizo \halaite an beih laiin Pathianin a veng tih a sawi a, Pathian hnena lawmthu sawina tur a tam thu a sawi bawk.

Ram Humhalh Kawngzawha telte leh a hlawhtlin nana theihtawp chhuahtu te, NGO Coordination Committee-a tel Central YMA, MUP, MHIP leh MSU te chungah te MZP chuan lawmthu a sawi a, ram leh hnam tana theihtawp chhuaha tangho turin mipuite a ngen bawk.

(LALNUNMAWIA PAUTU)
General Secretary

1 COMMENT

  1. Can I just know the reason why you guys are so scared of letting Chakma people win above? Like they were merits last year in NEET, you guys protested or did some shit that it obstructed their lives. I am writing this from US, but this is such a bias racial descrimination. And such descrimination that scares the lives of hardworking students. The seat deserves to the people that are merits, that are citizens of India and has a ST. Like wake and grown the hell up. This ain’t a game. It’s a matter of career and you guys can’t choose the fate. I know you guys are good disciple of the religion you follow, but I want to ask, is that what you guys learn? To hate? And to ruin people life?
    Thank you.

Leave a Reply

This site uses Akismet to reduce spam. Learn how your comment data is processed.