Ranglong Zirlai Pawl conference hmanpui

Dated Aizawl, the 12th January, 2018: Mizo Zirlai Pawl (MZP) chuan Dt. 8th-10th January, 2018 khan Ranglong Youth Association General Conference, Zairal, Karimganj Assam a neih chu MZP Vice President Pu B.Vanlaltana hovin mi engemawzat in an hman pui a. He hunah hian Shri Krishendu Paul Hon’ble MLA, Patharkandi Constituency Govt. of Assam chu khuallian a ni.

Ranglong hnam hi Mizo hnam peng pakhat a ni a, he conference-ah hian Pu B.Vanlaltana MZP Vice President pawhin thu sawiin, “MZP buaipui thin chu hnam inpumkhatna a ni a, Zofate hi kan inpumkhat angai a, unau inhai thin te in pui tawn a, hnam ropui ni tura hma lak a hun tawh takzet a, hnam nihna hi tawngah nilovin thisenah zawk a ni a, mizoram chhunga hnam peng hrang hrang awm Lai, Mara, Paite leh a dangte ho tawng hi Mizo tawng a nih ang chiahin Ranglong tawng pawh hi Mizo tawng diktak a ni ati a. Hei mai bakah hian Zofa hnam hrang hrang te kan bul velah hnamdang Bengali etc. ten min chimral tumin an hmanhlel em em a, chuvangin keini Zofate ho hi chimrala kan awm loh nan kan inpumkhat hmasak phawt angai a ni a ti bawk. Kan hmarchhak unaute ah Naga ho hi tawng hrang hrang hmang an tam a, mahse an tawng adan avanga unau ni a, unau nilo an ni lo a, thisen avanga unau (Naga) vek annih an inpawm ang hian keini Mizo te pawh tawng vang nilovin thisen avanga unau kan nih zia hi kan inpawm a hun tawh takzet a, Mizoram/Aizawl te hi Zofa hnam hrang hrangte kan duhdan taka kan awmna tur a ni a, Lushei/Duhlian tawng kanlo thiamlo a nih pawh in kan inthlahrung tur a nilo” a ti bawk.

He hunah hian kum 2018 chhunga Ranglong Youth Association hruaitu tur thlanna neih nghal a ni a, MZP hruaitu ten inthlanna hi anneih pui nghal bawk a ni.

President : Pu Reuben Ranglong
Vice President : Pu Jomlalring Ranglong
General Secretary : Pu Neiluamoni Ranglong
Asst. General Secretary : Lijonjoi Ranglong
Treasurer : Ringreiril Ranglong
Finance Secretary : Chuanglalmoni Ranglong

(H.LALTHIANGHLIMA)
Asst. General Secretary

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Danlova awm hmandang dapchhuak

Bangladesh atanga Mizoram chhunga dan lova foreigner lo lutte thawnhaw an nih theih nan hmalak ni rawh se