Zofate chawlbuk sak hnatlang nei

Dated Aizawl, the 28th. February, 2018: Vawiin ni 28th February, 2018 chawhnu dar 1:00 khan MZP General Headquarter chuan Bairabi hmuna MZP ten Zofate Chawlhbuk sak thiah a nih chungchangah emergency meeting neih a ni. He hun hi L.Ramdinliana Renthlei, President chuan a kaihruai a ni.

Ni 27th February 2018 MZP General Headquarters hmalaknain Bairabi hmuna Pi Roneihthangi W/o Pu Ch. Chhunga(L) nupuiin Bairabi Zophai-a hmun a pekah ZOFATE CHAWLHBUK sak hnatlang neih a ni a, Zofate Chawlhbuk sak hnatlangah hian MZP hruaitu mai bakah Bairabi khawtlang hruitute nen mi 100 chuangin Zofate Chawlhbuk sak hnatlang hna hi an thawk a ni. Zofate Chawlhbuk sak na tur ah hian a hma in a chhinchhiahna banner leh thutthleng sei dah a ni a, zingkara hnatlang thawkchhuak hmasa te an va kal hian banner leh thutthleng chub Assam Police lamin lo la in anmahin motor ah an lo hlang vek a, hnatlang tura kal hmasa MZP hruaitute chuan Assam Police Motor atanga hlang thla in an laksak leh vek a Assam police lam hian engmah an sawi ngam lo a ni. Zofate Chawlhbuk chu sak hnatlang chu neih chhunzawm a ni a. Hnatlang chuan tlai Dar 4:30 ah Zofate Chawllhbuk chu an sa zo ta a ni. Zofate Chawlhbuk hi Avang fit 6 leh a dung fit 12-a zaua sak a ni a, Sak zawh a nih hnu hian Pathian hnena hlanna hun hman a ni a, a lawmnan ruai kilho nghal a ni. Mipui nawlpui tin hnuin MZP Sub Headquarter Bairabi hruaituten vengin an awm chilh nghal a, zan dar 8:300 vel thleng vengin intifai in an haw san a, intifaia an haw zawk chhung dar 9:15 – 10:00 inkarah Assam Police leh Assam Forest Department ten JCB hmangin a ruka thiatin bungrua zawng zawng nen an lo ru bo ta vek a ni. Hemi zan vek hian MZP Bairabi Sub-Headquarters hmingin Bairabi Police Station-ah FIR an thehluh nghal a ni.

MZP General Headquarter chuan ni 27th February 2018 a Zofate Chawlhbuk sak chu a zan la la-a thiah a nih leh tak a vangin vawin ni 28th Febraury 2018 hian Emergency Meeting a ko nghal a ni a. MZP chuan Zofate Chawlhbuk thiah leh a ni chu pawi a tiin a la na hle a, a ruk a rala thiah a ni chu a lawm lo hle a ni. A thiattu Assam Police thu petu Assam Sorkar a dem tak meuh meuh a ni. Meeting chuan Zofate chawlhbuk hi sak that leh ngei nise a ti a, Zofate Chawlhbuk hi ni 8th March 2018(Ningani) ah sak that leh tura ruahman a ni. Zofate Chawlhbuk sa tur hian MZP chuan Mizoram mipui a thei apiang hnatlang turin a sawm nghal bawk a ni. Zofate Chawlhbuk sakna tur atana sum leh pai thawh thei kan awm chuan MZP chuan lawm takin a dawng thei reng bawk a ni.

Tin meeting chuan Zofate Chawlhbuk thiat tute chu March ni 5th, 2018 ral hma ngeia chhuichhuak tur leh man an nih ngei theihna tura hma la turin Mizoram Sorkar a phut tlat a ni. Bungraw bo zawng zawng pawh MZP kut a dah ngei turin a phut bawk a ni. Tin, bungrua hi an hmu lo a nih chuan zangna dawmna pe ngei turin MZP chuan Mizoram Sorkar thunei tute a phut nghal bawk a ni.

(ROTHANLIANA)
Secy I/c Publicity

Leave a Reply

Your email address will not be published. Required fields are marked *

Mizoram leh Assam State ramri chungchang seminar neih a ni

Mizoram-a chhunga Assam Police duty post awm dem