Zofate chawlhbuk samfai hnatlang nei

Dated Aizawl, the 7th December, 2017: Vawiin 9th Decrember, 2017 (Inrinni) hian MZP chuan Borapansuri khua Chakma Autonomous District Council area-a Zofate chawlhbuk samfai hnatlang annei a, Zofate Chawlhbuk samfai hnatlangah hian President L.Ramdinliana Renthlei leh General Secretary Lalnunmawia Pautu hoin, Aizawl atangin member thahnem tak an kal a. Aizawl atanga kal te hi Thiak Sub-headquarters, Thenzawl sub-hqrs leh Tlabung sub-hqrs MZP member thahnem takin an tawiawm bawk a ni.

Zofate Chawlhbuk samfai hnatlang neih hma hian function tawi neih a ni. He huna thusawitu L. Ramdinliana Renthlei President MZP chuan, “min thlahtu kan pi leh puten thisen a an lei chhuah ram humhalh zui zel chu thangtharte mawhphurhna a nia , thangthar lokal zel turten kan pi leh pute lo sah zau sa ram,Chakma in an ta neih mek hi Chakma te ram emaw an la ti mai ang tih MZP in a hlauh avangin Zofate Chawlhbuk hi sa kan ni a. Keimahni ra, chung ngeiah dodalna leh harsatna tam tak paltlnag chunga chawlhbuk kan sa thei hram chu lawmawm tak zeta, hei hian kan ram leh hnam humhalh a tulzia a tilang chiang hla a ni.” a ti a. L. Ram dinliana Renthlei chuan, “Pasthian in Zofate ram min pek Mizoram hi hnamdang dan lova Mizoram a lo lut Chakma foreigner te tan hmun a awm lo a ni. Mizoram chhungah Chakma ten dan lovin khua an din a, dan lova an inbengbel a a ram neitu Mizo zirlaite chanvo minlo chuhpui thin hi Mizo thalai te hian na kan ti a. Tun atang chuan kan chanvo min chuhpui hi Mizo thalai te hian kan remti ngai tawh dawn lo a ni.”a ti bawk.

MZP te hian dan lova khaw din Chakma khua te an enfiahin, an tlawhchhuak nghal bawk a ni.

(LALNUNMAWIA PAUTU)
General Secretary

NO COMMENTS

Leave a Reply

This site uses Akismet to reduce spam. Learn how your comment data is processed.